XUACU AMIEVA Ñaz nel Mazucu - LLanes (Asturies).
Los sos primeros contactos con la música tradicional asturiana foren a través de la so familia. So madre foi cantante de tonada y tres tíos suyos tocaben la gaita.
XUACU AMIEVA ye una de les figures reconocies del
panorama de la música tradicional asturiana. La so llarga carrera como gaiteru,
maestru de gaiteros y multiinstrumentista en delles formaciones folk, dio-y un
gran prestixu dientro y fuera d´Asturies. Nel so repertoriu alcuentrase una amplia esbilla de cancios y sones de la
tradición asturiana, nun sólu del repertoriu de gaita, sinon tamién de
bandurria asturiana, zanfona, flauta o canciu.
Investigador de campo
En 1974 entra a formar parte del grupu folklóricu "Urogallos" onde entama la so andadura nel conocimientu y investigación del folklore asturianu.
En años postreros participa activamente en grupos d´investigación etnográfica como son "Raigañu"(1976) , nuevos "Urogallos" (1980) y "Andecha Folklor de Uvieu"(1985).
xuntu con estos grupos y en solitariu, desendolca un trabayu de campu enfotau en la recuperación de sones, bailles y instrumentos autóctonos (bandurria asturiana, zanfona o gaita de rabil, trompa o arpa de boca, flauta travesera de madera, tarrañueles, castañueles vaqueires, pitos, pandeiru cuadrau, xipra y tambor),usando estos instrumentos tantu en les sos grabaciones discográfiques como en los sos conciertos en direutu.
El so archivu de sones populares pa gaita , recoxíu de la tradición, ye percompletu.
Maestru de
maestros gaiteros
Viendo la inminente desapaición de instrumentistas de gaita que calteníen viva la tradición musical d´Asturies y consciente de la importante llabor que tien nes sos manes, decide dedicase de llenu a la llabor de transmitir tou lo que aprendió y dejaron-y na herencia los vieyos gaiteros asturianos.
Pa ello crea
en 1980 la primera “Escuela de Música Tradicional” que sigue calteniendo fasta gúei. 
Dau que la enseñanza de la gaita asturiana yera una actividad entós novedosa,ponse en contautu con otres escueles tradicionales fuera d´Asturies, pa poder instrumentalizar de una manera adecuada la so docencia. Frutu de esti trabayu ye el Método de gaita asturiana que xuntu con Francisco Ortega allumbra en 1984.
Viendo el éxitu desta primera escuela creada n´Uvieu, responde a la petición de impartir clases notros puntos de la xeografía asturiana(Llumes-Cangas de Narcea, Llanes y Perllora).
Con estes escueles forma les primeres bandes de gaita asturiana en 1983 "Banda de los LLumerinos" y “Banda Gaites Naranco".
En 1986 y 1987 ye requeriu pol Centru Asturianu de Buenos Aires pa dar clases ellí de gaita y percusión asturianas. En 1998 viaxa a Venezuela pa impartir un cursillu de gaita y percusión, en el Centru Asturianu de Caracas. En Avientu del mesmu añu,allumbra el so segundu “Método de gaita asturiana”.
Tou el so trabayu en favor de la gaita asturiana vese recompensau al haber andechau na formación de prestixiosos gaiteros actuales ,que a la so vegada siguen calteniendo y apurriendo la música tradicional asturiana.
El músicu
Les sos primeres influencies como gaiteru, son d´Antón Menendez, Feliciano y el Margallu.
Más tarde contacta con Luis de Arnizo, Fariñas, Ignacio Noriega de San Roque, Honorino de Sotrondio, Remis Ovalle,José Veriña ente otros,con los cuales aprende técnica y repertoriu.
N´otros instrumentos tevo como maestros a David Caballín (bandurria), Milio el Torneru y José el Xarreru (tambor), Francisco de la Viliella (xipra y tambor) Lin de Cangas de Narcea (trompa) Milio el Torneru- fíu(tarrañuelas) Isabel y Concha de Trasmonte (pandeiru ,pandereta y castañueles vaqueires) .
Paralelamente a esta formación multiinstrumentista e influenciau por grupos de música folk d´otros países, ye cofundador de los grupos folk Beleño (1983) y Ubiña (1985), del que formó parte fasta la so disolución en 1989.Con estos grupos y como solista participa en munchos festivales y alcuentros de música tradicional, tantu n´Asturies como nel restu de España y Europa. Ente otros: Festival Intercélticu de Berlín 1980, Festival Intercélticu de Lorient 1986 y 1989, Folk Segovia 1986, Casale de Monferrato (Italia) 1989, Folk Uvieu 1989, Hallein (Austria)1989...
En 1990 forma el grupu folk que lleva su nombre. Con esti grupu participa en los festivales de Quimper 1990, Reencontres Regionales de Sauveterre de Rouerge 1990, 1º Encuentro Internacional de Músicas populares en Morazarzal (Madrid) 1991, Expo 92 de Sevilla, VI Ciclo de Música Tradicional Jerez 1994, Gira Eurofolkus Inglaterra 1995, Festival de Ennis (Irlanda) 1997, Festival Intercéltico de Nava (Asturias), Festival de Cabuerniga (Cantabria) 1999.....entre otros.
Ye compositor y interprete de la música del cortometraxe "Xicu el toperu" de F.Tapia.
Realiza y dirixe el so primer cortometraxe titulau "Mitos Astures",aportando na banda sonora, música orixinal compuesta por elli mesmu. Esti cortu presentase en públicu en abril de 1998.
En 1995 ye requeriu pol grupo folk irlandés The Chieftains pa collaborar nel discu "Santiago", tocando el tema "El besu" (bandurria y voz). Dichu discu ye premiau en 1997 con un Grammy.
- 1986 Trofeu
Macallan del Festival Intercélticu de Lorient .
- 1988 “Urogallo”
del Centru Asturianu de Madrid.
- 1990 Dos
Ventolines. Unu como meyor multiinstrumentista y otru como músicu con raíces
n´Asturies.
- 1997 Grammy
pol tema "el Besu" nel discu "Santiago" del grupu irlandés
The Chieftains
- 2006 Premiu honoríficu AMAS
1984. Método de gaita . Sociedad Fonográfica
Asturiana.
1986. Onde l´agua ñaz. Sociedad Fonográfica
Asturiana.
1988. Ubiña. Fonoastur.(Con el grupo Ubiña.)
1989. Xostrando. Fonoastur.
1991. Las cornamusas de Europa. Keltia
Music.(Con varios artistas.)
1992. Lluna caldeá. Gau Records.
1993. La gaita asturiana. Conseyería de
Cultura del Principau d´Asturies.
1996. "El Besu" en el disco
"Santiago" del grupo The Chieftains.
1999. Tiempo de Mitos.
Resistencia
2003. Al son
del fueu. Piraña Family
-LLIBROS :
1994. Método
de gaita. S.F.A.
1998. Método
de gaita asturiana. Ediciones Trea.
2003. La
gaita asturiana.( Método interactivo). Ediciones Nobel.
-VIDEOS:
.
Avisu llegal Vese meyor a 800 x 600 Diseñu: EGNET